الخميس، 30 يناير 2014

بايلا

بسم الله
السلام عليكم ورحمة الله تعالى وبركاته

المقادير
كلمار-كروفيت-سمك ابيض -روز -جلبانة -بصلة -3مطيشات محكوكين معلقة مطيشة الحك- فلفلة اوراق سيدنا موسى -زعفران شعرة -ملح -ابزار 
الطريقة
نشحر بصلة مقطعة مع زويتة والفلفلة تم نضيف مطيشة وجلبانة ومطيشةلحك وملح ابزار اوراق سيدنا موسى وزعفران وماء جلوف لقيمرون
نشحرالسمك مع زويتة
نشحر روز مع زويتة
من بعد نخلطو جميع المقادير وندخلوها لفران تكمل طييابها
















الثلاثاء، 28 يناير 2014

قطبان الدجاج شهوة منهم

بسم الله
السلام عليكم ورحمة الله تعالى وبركاته




المقادير
دجاج قطع على حسب عدد الاشخاص
معلقة موطارد 
معلقة ميونيز
قليل من القزبور والمعدنوس 
عصير الحامض
ملح حتى نبعي نشويهم عاد تنضيفها
نخلطو جميع المكونات ونخليوهم على الاقل 3ساعات 
تنعمروهم  في لقطبان مع لفلفلة  وتنشويوهم اما في المقلاة او الشواية
تيجيو رطبين زبدة 












بالصحة وعافية







الاثنين، 27 يناير 2014

كيكة بالتفاح ساهلة

بسم الله 
السلام عليكم ورحمة الله تعالى وبركاته





هد كيكة ساهلة في تحضير وتتجي زينة تنتمنى تنال اعجاب 
المقادير

100غ زبذة مذابة

3 لبيضات
كاس سنيدة انا تنقص شوية من سكر
كاس عصير البرتقال
خمارة يعني 2 ديال 7غرام
300غ دقيق
تفاحة مقطعة مربعات
الطريقة 
تنخلطو دقيق ولبيض وباقي لمقادير مزيان من بعد نضيف تفاح ونخلطو

نخويوها في مول مدهون بزبذة والى الفران ملي تطيب ندردرو عليها سكر كلاصي
الصور توضح اكتر









الأحد، 26 يناير 2014

كيكة السحرية رائعة

السلام عليكم ورحمة الله تعالى وبركاته




هد كيكة خديتها من موقع ايطاليا تتجي زوينة بزاااف  من لفوق طبقة من الكيك ولتحت طبقة من لكريمة وطبقة بحال لفلون

المقادير 
125 غ زبدة مدابة
4 لبيضات
150 غ سكر سنيدة
115 غ دقيق
نصف لتر حليب
فاني 
 معلقة عصير الحامض
معلقة ماء بارد





نطربو اصفر البيض مع سكر حتى يولي لونو ابيض 



نضيف معلقة ماء تم فاني


نضيفو الزبدة مدابة تكون باردة


 تم الدقيق ولحليب


نطربو ابيض البيض مع قليقل من الملح ومعلقة عصير الحامض 
حتى يولي بحال التلج


نضيفو ابيض البيض الى الخليط السابق



 نخلطو غبر بشوية  بمعلقة خشبية


 نخوي الخليط في قالب مدهون بالزبدة ومرشوش بالدقيق
ندخلوها لفران سخون لمدة 80 دقيقة


ملي تطيب ندخلوها لتلاجة حتى تبرد مزيان عاد نزولوها من القالب


زينتها بالسكر كلاصي والشكلاط






بالصحة والراحة

الخميس، 23 يناير 2014

بيتزا رولي

السلام عليكم ورحمة الله تعالى وبركاته




مقادير لعجينة

200غ دقيق لفورص
200غ القمح
3 معالق ك زيت بلدية
معلقة اوزوج ديال الزبدة
الزعتر يكون كتير
خمير الخبز
نخلطو كلشي بماء دافئ وندلكوها مزيان ونخليوها تخمر
الحشو
فلفلة مشحرة في زيت بلدية
بصلة مشحرة
صلصة مطيشة
الطون
فرماج محكوك
الطريقة
نطلقو العجينة بالمدلك ونعمروها بالحشوونرش عليهاالزعتروالفرماج تم نلفوها ونقطعوها انا بعض المرات تندخلها لفريكوتشدراسها عاد نقطعها باش تجي مقادة في التقطاع وميخرش الحشو
من بعد ندهنها بالبيض ونرش عليها لفرماج والى الفران